မပျော်မဝင်တဲ့အရာတွေကို လွှတ်ချလိုက်ပြီး ပျော်ရွှင်မှုဆီသို့

ကိုယ့်ရဲ့ဘဝမှာ မပျော်ရွှင်စေတဲ့အရာအားလုံးကို လွှတ်ချလိုက်ဖို့ ဘယ်တော့မှ ဝန်မလေးပါနဲ့။ မပျော်ရွှင်စေတဲ့လူတွေ၊ မပျော်ရွှင်စေတဲ့ပတ်ဝန်းကျင် တွေ၊ မပျော်ရွှင်စေတဲ့ဆက်ဆံရေးတွေ၊ မပျော်ရွှင်စေတဲ့အရာတွေ အကုန်လုံး ကို လွှတ်ချအဆုံးသတ်လိုက်ဖို့လိုတယ်။

ကိုယ့်ကို မပျော်ရွှင်စေတဲ့ ဆက်ဆံရေး Unhealthy Relationship တွေကနေ အနားယူတတ်ဖို့လိုပါတယ်။ တစ်ယောက်ယောက်နဲ့ ပြောဆိုဆက်ဆံနေချိန်မှာ စိတ်ပင်ပန်းမှုများစွာကို ခံစားနေရရင် အဲ့ဒီဆက်ဆံရေးကို ပြန်စဉ်းစားဖြေရှင်းရမှာဖြစ်ပါတယ်။ သူ့ရဲ့စကားလုံးတွေ၊ လှုပ်ရှားမှုအမူအရာတွေက ကိုယ့်ကို အမှိုက်လို သဘောထားနေတာမျိုးဆိုရင် သူ့နားကနေ ထွက်ခွာလာခြင်းကသာလျှင် တစ်ခုတည်းသော ဖြေရှင်းနည်းဖြစ်နိုင်ပါတယ်။

အဆင်မပြေတဲ့ဆက်ဆံရေး Relationship တွေမှာ ဖြစ်ခဲ့တဲ့ အခြေ အနေတွေ၊ ပြောခဲ့တဲ့အကြောင်းအရာနဲ့ စကားတွေကို တစ်ပတ်တစ်ကြိမ် လောက်တော့ သုံးသပ်ပြီး ကိုယ့်ဘဝမှာ မလိုအပ်တော့တဲ့အရာတွေကို ရှင်း ထုတ်လိုက်ပါ။ မပျော်ရွှင်စေတဲ့ ဆက်ဆံရေးတွေ၊ ပတ်ဝန်းကျင်တွေကို လွှတ်ချပြီး ကိုယ့်ဘဝရဲ့ အဓိကပျော်ရွှင်မှုကို အာရုံစိုက်ပါ။ ကိုယ်စိတ်ချမ်းသာ ပျော်ရွှင်မှုအတွက် အကျိုးအမြတ်မရှိတော့တဲ့အရာတွေနဲ့ ဆက်ဆံမှုတွေကို ဖယ်ရှားဖို့ အားထုတ်ပါ။

ကိုယ့်ဘဝရဲ့အမှိုက်တွေကို ရှင်းထုတ်သလို၊ ကိုယ့်ဘဝမှာ ပျော်ရွှင်စေဖို့လိုတဲ့အရာတွေကိုသာ ထိန်းသိမ်းထားပါ။ ကိုယ်နဲ့ Energy ကိုက်ညီတဲ့ ဆက်ဆံရေးတွေဟာ ပျော်ရွှင်မှုရရှိဖို့ အဓိကပါဝင်တတ်ပါတယ်။

ပျော်ရွှင်မှုဆိုတာ လျှောက်လှမ်းရတဲ့ခရီးလမ်းတစ်ခုပါပဲ။ ကျွန်မတို့ရဲ့ အပြုအမူတွေ၊ ဆုံးဖြတ်ချက်တွေ၊ ရွေးချယ်မှုတွေ၊ အတွေးအမြင်တွေက ပျော်ရွှင်မှုကိုတည်ဆောက်ဖို့အတွက် အဓိကပါဝင်ပါတယ်။ မကောင်းတဲ့ Negative Relationship တွေကိုရှောင်ရှားပြီး၊ ကောင်းမွန်တဲ့ဆက်ဆံရေး တွေကို ဖန်တီးတည်ဆောက်ယူနိုင်ရင် ပျော်ရွှင်မှုဟာ ပိုမိုရှည်လျားလာမှာ အမှန်ပဲဖြစ်ပါတယ်။

#monhalsey

#morningvitamins

#HappinessProject